Արևելյան գործընկերության երկրների համար Եվրամիության Ջրային նախաձեռնություն պլյուս ծրագիրը, Ջրի շրջանակային դիրեկտիվով սահմանված կարգով, ս.թ. մարտի 19-ին Կոտայքի և 21-ին Գեղարքունիքի մարզպետարաններում, մեկ հարկի տակ հյուրընկալելու է փորձագետների և ջրային ոլորտի շահառուների՝ պարզելու նրանց տեսակետները Սևանի և Հրազդանի ավազանների ապագայի վերաբերյալ:
ԵՄՋՆ+ ծրագրի շրջանակներում ՀՀ բնապահպանության նախարարության հետ համատեղ մենք սկսում ենք Սևանի և Հրազդանի գետավազանային կառավարման պլանների մշակման գործընթացը: Պլանը նկարագրում է ավազանների բնապահպանական նպատակները և դրանց հասնելու համար նախատեսվող միջոցառումները:
Խորհրդակցակյան առաջին համաժողովը հյուրընկալել է մոտ 50 տեղական շահառուների, ներառյալ պետական լիազոր մարմինների, ջրավազանային պլանավորման կազմակերպությունների, փոքր և խոշոր ջրօգտագործողների, ՀԿ-ների ներկայացուցիչների, ինչպես նաև գիտնականների ու լրագրողների՝պարզել ու նրանց տեսակետները ավազանններում առկա հիմնական մարտահրավերների վերաբերյալ, որոնք են՝ որակյալ ջրի ապահովում, ջրային ռեսուրսի բաշխում,աղտոտման նվազեցում,անվտանգ խմելու ջրի ապահովում և մարդկանց առողջության պահպանում:
Մեկ օրյա հանդիպումները հնարավորություն են ընձեռում մասնակիցներին կարծիքներն արտահայտել գետավազանային կառավարման պլանների վերաբերյալ՝ բանավիճելով անհամաձայնությունների/համաձայնությունների, ինչպես նաև համապատասխան ավազաններում առկա հիմնական մարտահրավերների շուրջ: Այս երկխոսությունը շատ կարևոր է, և դրանց արդյունքները հաշվի են առնվել ու գետավազանային կառավարման պլանի մշակման նպատակներին հասնելու համար հնարավոր գործողությունները սահմանելիս:
Պետական և ոչ պետական ոլորտի շահառուների հետ այսխորհրդատվական հանդիպումներն ավելի լայն հանրային խորհրդատվությունների մաս են կազմում, որոնք տևելու են մարտի 12-ից մինչև ապրիլի 12-ը ներառյալ, և որոնց միջոցով հավաքագրվելու են փորձագիտական կարծիքներ և տեղեկատվություն՝ գետավազանային կառավարման պլանում լրացումներ կատարելու և դրա հետ կապված միջոցառումների ծրագիրը մշակելու համար:
Վերոնշյալ միջոցառումների հետ կապված փաստաթղթերը և հարցաշարը տեղադրված են հետևյալ կայքերում՝
Խորհրդատվությունների երկրորդ փուլը կազմակերպվելու է 2020թ.-ին, գետավազանային կառավարման պլանի նախագծի վերաբերյալ:
Նախապատմություն
ԵՄՋՆ+ ծրագիրը, որը մեկնարկել է 2016թ. սեպտեմբերին չորս տարի ժամկետով, ԵՄ-ի կողմից Արևելյան գործընկերության երկրներում ջրի ոլորտում իրականացվող ամենախոշոր ծրագիրն է: Այնաջակցում է 6 գործընկերներ երկրներին(Հայաստան, Ադրբեջան, Բելառուս, Վրաստան, Մոլդովա և Ուկրաինա)՝ համապատասխանեցնելու իրենց օրենսդրությունը ջրի կառավարման բնագավառում իրականացվող ԵՄ քաղաքականությանը՝ շեշտ ը դնելով անդրսահմանային գետերի վրա: Այն գործընկեր երկրներում աջակցում է ջրի ոլորտի բարեփոխումների երկարաժամկետ հեռանկարների զարգացմանը: Ծրագիրն իրականացվում է Տնտեսական համագործակցության և զարգացման կազմակերպության, ՄԱԿ-ի Եվրոպական տնտեսական հանձնաժողովի, ինչպես նաև ԵՄ մակարդակով կոնսորցիում կազմած Ավստրիայի Բնապահպանական գործակալության (Ավստրիա) և Ջրի միջազգային գրասենյակի (Ֆրանսիա) կողմից:
Լրացուցիչ տեղեկատվությունը հետևյալ հղմամբ՝