Նոր ծրագրի մեկնարկ
Մեկնարկել է Միջազգային զարգացման գործակալության (DFID) կողմից ֆինանսավորվող "ԳՋՀ Ջուր և կլիմա ծրագիրը. ՋՌՀԿ-ն որպես կլիմայական փոփոխություններին հարմարվելու գործնական մոտեցում Կովկասում և Կենտրոնական Ասիայում":
Ծրագիրը նախատեսվում է իրականացնել 2013-2015թթ.-ին:
Ծրագրի նպատակն է օժանդակել երկրներին համակարգելու կլիմայական փոփոխություններին հարմարվելու ջանքերը` օգտագործելով ԳՋՀ ԿԱԿ-ի շրջանակները, որը մեծացնում է ՋՌՀԿ-ի հզորությունը` որպես կլիմայի ճկունությունը զարգացնող գործիք:
Ծրագրի վերջնական արդյունքը Կովկասի և Կենտրոնական Ասիայի տարածաշրջանում կլիմայական փոփոխություններին հարմարվելու և ջրային անվտանգությունը բարձրացնելու ընդլայնված հզորությունների ու ունակությունների առկայությունն է:
Նախատեսվող արդյունքներն են.
- Կովկասի ու Կենտրոնական Ասիայի երկրներին ցուցաբերվել է օժանդակություն, կատարելու "ապահով" կամ քիչ ծախսեր պահանջող ներդրումներ և մշակելու կլիմայական փոփոխությունների նկատմամբ կայունությունը բարձրացնող միջոցառումներ և այդ միջոցառումները ներառել ջրհավաք ավազանների կառավարման պլաններում, ազգային այլ ծրագրերում ու պլաններում, ինչպես նաև բյուջեներում:
- Տարածաշրջանի երկրների ու համայնքների մակարդակով մշակվել են կլիմայական փոփոխությունների նկատմամբ կայունություն ապահովելու համար ջրի անվտանգության մարտահրավերներին հասցեագրված տեղական լուծումներ:
- Առկա են ջրային անվտանգության հասնելու և կլիմայական փոփոխություններին հարմարվողականության վերաբերյալ գիտելիքներ ու զարգացած ունակություններ:
- Իր ռազմավարական գործընկերների ու շահառուների հետ արդյունավետ աշխատող ԳՋՀ ցանց, որը նպատակ ունենի ներգրավել նրանց ջրային անվտանգության ու կլիմայական փոփոխությունների նկատմամբ հարմարվողականության գործընթացի զարգացմանը:
